The Washington Post-ის ცნობით, 2020 წლის ამერიკის საპრეზიდენტო არჩევნებში გამარჯვებული ჯო ბაიდენის ხმების გადათვლის მიზნით არჩევნებში დამარცხებული დონალდ ტრამპი ჯორჯიას შტატის მდივანზე ზეწოლას ახდენს. ამის ამსახველ სატელეფონო საუბრის ჩანაწერს The Washington Post აქვეყნებს. ჯო ბაიდენის მიერ მოპოვებული ხმების გადათვლაზე ტრამპი ბრედ რაფენსპერგერს სატელეფონო ზარით, ერთი საათის განმავლობაში ესაუბრებოდა. რაფენსპერგერთან სატელეფონო საუბარი ტრამპმა ტვიტერზე დაადასტურა.

Twitter-ზე ტრამპმა დაწერა, რომ რაფენსპერგერს არ სურდა ან არ შეეძლო პასუხის გაცემა ისეთ კითხვებზე, როგორიცაა თაღლითური სქემა "ბიულეტენები მაგიდის ქვეშ”, ბიულეტენების განადგურება, “მკვდარი ამომრჩეველი" და სხვა. ტვიტერმა კი არჩევნების გაყალბებაზე ტრამპის პრეტენზია სადავოდ მონიშნა.

რაფენსპერგერთან სატელეფონო საუბარში ტრამპი ამბობს: "ჯორჯიას ამომრჩეველი გაბრაზებულია, ამერიკის შეერთებულ შტატებში ხალხი გაბრაზებულია და არაფერია ცუდი იმაში, თქვა, რომ ხმები გადაითვალეთ". რაფენსპერგერი კი მას ეუბნება, რომ არასწორი მონაცემი აქვს. ამაზე კი პასუხობს: "მე მხოლოდ 11 780 ხმის პოვნა მინდა, რაც ერთით მეტია, ვიდრე ჩვენ გვაქვს". გამორციხულია, ჯორჯიას ვერ წავაგებდი. ჩვენ ასი ათასი ხმით მოვიგეთ".

რიჩმონდის უნივერსიტეტის იურიდიული ფაკულტეტის პროფესორმა, კარლ ტობიასმა გარდიანთან განაცხადა, რომ ტრამპი ბაიდენის ინაუგურაციის შემდეგ სამართლებრივად შესაძლოა საფრთხეში აღმოჩნდეს.

მინიმუმ 12 სენატორისა და პალატის რესპუბლიკელების უმრავლესობისგან დაპირებული წინააღმდეგობების მიუხედავად, ბაიდენის საარჩევნო კოლეგიაში გამარჯვება კონგრესის მიერ რატიფიცირებული ოთხშაბათს, 6 იანვარს იქნება, ხოლო 20 იანვარს 46-ე პრეზიდენტის თანამდებობაზე დემოკრატ ჯო ბაიდენის ინაუგურაცია მოხდება. ამის შემდეგ შემდეგ ტრამპს თეთრი სახლის დატოვება მოუწევს, სადაც ის ახლა იმყოფება.