1967 წლის 27 იანვარს სამი ასტრონავტი - როჯერ ჩაფი, ვირჯილ გრისომი და ედ უაითი NASA-ს კოსმოსური ხომალდის, აპოლო ერთის ტესტირების დროს გარდაიცვალნენ. ეს იყო NASA-ს მიერ წამოწყებული აპოლოს პირველი მისია, რომელიც წარუმატებლად დასრულდა. აღნიშნული მოვლენიდან 50 წელი გავიდა, თუმცა კოსმოსის შესწავლის ისტორიაში ეს დღე მაინც ყველაზე დიდ ტრაგედიად ითვლება.

ტრაგედიიდან 50 წლის თავის აღსანიშნავად NASA-მ ეკიპაჟის ხსოვნის პატივსაცემად გასაოცარი გამოფენა მოაწყო.

გამოფენას მძიმე გზას ვარსკვლავებამდე მივყავართ ერქვა და წარმოდგენილი იყო მისიასთან დაკავშირებული აქამდე უცნობი ატრიბუტები: ეკიპაჟის წევრების დასაჯდომები, მათი ტანისამოსი და სხვა.

ფოტო: NASA/Kim Shiflett

"ჩვენ იმედი გვაქვს, რომ ადამიანები, რომლებიც ფლორიდაში, Kennedy Space Center-ში გამოფენაზე მოვლენ, კმაყოფილი დარჩებიან. აქ შექმნილი გარემო ცხადად ასახავს იმ სირთულეებს, რომლებიც კოსმოსის შესწავლას ახლავს თან. ამ მძიმე გზაზე ხანდახან ტრაგედიებიც ხდება, მაგრამ ეს შეცდომებზე დაფიქრების საშუალებას გვაძლევს. ეს ასტრონავტები ნამდვილი გმირები იყვნენ და ისინი მარადიულ ხსოვნას იმსახურებენ", - აღნიშნავს გამოფენის ერთ-ერთი ორგანიზატორი მაიკლ კური.

ფოტო: collectSPACE

გამოფენა ნებისმიერი მსურველის მისაღებად მზადაა.

აპოლო ერთის ტრაგედიის შესახებ მეტი ინფორმაციისთვის იხილეთ ვიდეო.