ბათუმის წმიდა მოწამე ეკატერინეს სახელობის სათნოების სავანეში უკვე 95-მა მოხუცმა დაამარცხა კორონავირუსი, მათგან ყველაზე ასაკოვანი 87 წლის ქალია.

როგორც სათნოების სავანეს დირექტორმა, დეკანოზმა იოანე ბარამიძემ On.ge-სთან საუბარში თქვა, ამ ეტაპზე მხოლოდ ერთი ხანდაზმული ჰყავთ კოვიდინფიცირებული, რომელის გამოჯანმრთელებასაც ელოდებიან.

დეკანზომა იოანემ აღნიშნა ისიც, რომ სამწუხაროდ, სათნოების სავანეში კორონავირუსით 11 მობინადრე გარდაიცვალა.

24 დეკემბრის მონაცემებით, საქართველოში კორონავირუსის 1 972 ახალი შემთხვევა დადასტურდა, გამოჯანმრთელდა — 2 737 პირი, გარდაიცვალა — 43 ადამიანი.

გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 216 843-ს. ბოლო 24 საათში ჯამში გამოჯანმრთელებულთა რაოდენობა გაიზარდა — 194 705-მდე. პანდემიის გავრცელებიდან დღემდე ვირუსს ჯამში 2 276 პირი ემსხვერპლა.