მას შემდეგ, რაც 4 დღის განმავლობაში პორტუგალია მხოლოდ განახლებადი ენერგიის წყაროებით მარაგდებოდა, ჰაერის ნახშიროჟანგით დაბინძურების მაჩვენებელმა 0-ს მიაღწია.

The Guardian-ის ინფორმაციით, 7-დან 11 მაისის ჩათვლით, სულ 107 საათის განმავლობაში, ქვეყანა ქარის, მზისა და ჰიდრო რესურსებისგან იღებდა ელექტროენერგიას.

SolarPower-ის აღმასრლებელი დირექტორის, ჯეიმს უოტსონის თქმით, პორტუგალიის მაგალითი ევროპული ქვეყნისთვის მნიშვნელოვანი მიღწევაა:

"ყველაზე მნიშვნელოვანი ისაა, რომ რამდენიმე წელიწადში ეს მაგალითი ჩვეულებრივი მოვლენა იქნება, რადგან ენერგეტიკისთვის ეს გარდამავალი პროცესი ინერციით მიდის წინ".

2013 წლის მონაცემებით, პორტუგალია თავისი ელექტროენერგიის მოცულობის ნახევარს ნავთობპროდუქტებისგან, 27%-ს ბირთვულ, 13% ჰიდრო, 7.5% ქარის და 3% მზის რესურსებიდან იღებდა.