დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორის, თენგიზ ცერცვაძის თქმით, მიუხედავად გავრცელებული ინფორმაციებისა, რომ მძიმე პაციენტების ჰოსპიტალიზება ვერ ხდება, ასეთი პაციენტების პროცენტულობა დიდი არ არის. მისი თქმით, ეს პროცენტული მაჩვენებელი, რომ დიდი იყოს, ბინაზე გარდაცვლილთა რიცხვი 33-ზე გაცილებით მეტი იქნებოდა.

"ისინი, ვინც ამბობენ რომ, აი, მძიმე პაციენტები იძულებული არიან დარჩნენ სახლში, ჰოსპიტალში მათთვის ადგილი არ გამოინახა, ფეისბუქზე ხშირად ქვეყნდება რაღაცები. არის ზარები, ახლობლების შეწუხება. მეც ძალიან ბევრი მირეკავს. საბოლოო ჯამში, მე მრჩება შთაბეჭდილება, რომ ცუდად არის კაცი, მძიმედ არის, სასწრაფომ არ მიაკითხა, ექიმმა არ მიაკითხა და ის წუხს, სამართლიანად წუხს, სამართლიანია მათი აღშფოთება.

ეს პროცენტობა დიდი მაინც არ არის. ეს, უბრალოდ ჩანს, თორემ პროცენტულად მეტი ნაწილის ჰოპიტალიზაცია, ვისაც სჭირდება ეს რო არ იყოს და ბევრი მძიმე რჩებოდეს ბინაზე, მაშინ 33 კაცი არ იქნება ჰოსპიტალს გარეთ გარდაცვლილი, იქნება ასეულები და ათასეულები, როგორიც არის ევროპის ყველა ქვეყანაში", — ამბობს ცერცვაძე პირველი არხის ეთერში.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 201 368-ს. გამოჯანმრთელებულთა რაოდენობა გაიზარდა — 169 282-მდე. პანდემიის გავრცელებიდან დღემდე ვირუსს ჯამში 1 953 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: