თუ ამ ახალ წელს სხვების მიმართ მზრუნველობის გამოჩენა გინდა და ორიგინალურ, ციფრულ საჩუქარს ეძებს, ჩართემ საინტერესო სიახლე მოგიმზადა.

დღეიდან უკვე ნებისმიერ ადამიანს შეუძლია, ჩართეს საიტზე ერთჯერადი შემოწირულობა სხვის სახელზე გააკეთოს, ადრესატს კი საახალწლო წერილი გაუგზავნოს.

ამისათვის აუცილებელია:

  1. ჩართეს საიტზე აირჩიო სასურველი თანხა;
  2. აირჩიო მიმღები, სასურველი ტექსტი და გაგზავნის ფორმა (ელფოსტით, ბმულით თუ ამობეჭდვით);
  3. იხილეთ, როგორ გამოიყურება წერილი;
  4. გადაიხადეთ თანხა.

შემოწირულობა მოხმარდება სოციალურად დაუცველი უფროსკლასელების ინტერნეტის ხარჯებს.

რა არის ჩართე?

charte.ge საქველმოქმედო პლატფორმაა, რომელზეც ნებისმიერ ადამიანს შეუძლია, თუნდაც 1 ლარად დაუფინანსოს ინტერნეტი ან ლეპტოპი სოციალურად დაუცველ უფროსკლასელს. 2000-ზე მეტი ყოველთვიური შემომწირველისა და კორპორატიული პარტნიორების წყალობით უკვე 1000-ზე მეტი მოსწავლეა ჩართული.

ინტერნეტისა და კომპიუტერის გარდა, მოსწავლეები იღებენ წვდომას ჩართეს პარტნიორების ონლაინ რესურსებსა და პლატფორმაზე (მათ შეუძლიათ, უფასოდ დაეუფლონ უცხო ენებს, სასკოლო და საგამოცდო მასალას, ლიტერატურას და ა.შ.). ჩართეს გუნდი მოსწავლეებს უტარებს ტრენინგს მედიაწიგნიერებაში, ფინანსურ და ონლაინ განათლებაში და უწევს მუდმივ ტექნოლოგიურ-საგანმანათლებლო მხარდაჭერას.

პროექტი 100%-ით გამჭვირვალეა. საიტზე წაიკითხავთ პროექტის თითოეული ბენეფიციარის ისტორიას, ნახავთ პროექტის თითოეულ ხარჯს თუ ბრუნვის საბანკო ამონაწერს, თითოეულ პროექტს, გუნდის წევრს თუ დონორს. თითოეული მხარდამჭერი იღებს გამჭვირვალობის ყოველთვიურ ანგარიშს თითოეული ხარჯითა და აქტივობით. იხილეთ ბოლო თვის ნიმუში.

COVID-19 პანდემია

მას შემდეგ, რაც COVID-19 პანდემიის გამო საქართველოში სკოლები დაიხურა, მოსწავლეებისთვის ეროვნული სასწავლო გეგმის ათვისების ერთადერთი გზა დისტანციური სწავლება გახდა. არაერთი სკოლა თუ მასწავლებელი მოსწავლეებს ონლაინ აძლევს დავალებებს, თუმცა მასწავლებელთან კომუნიკაციისთვის და ონლაინ რესურსების გამოსაყენებლად ინტერნეტი და კომპიუტერული მოწყობილობაა აუცილებელი.

სამწუხაროდ, ჩართეს გუნდის გამოთვლებით, საქართველოში 78 000-მდე მოსწავლეს არ აქვს ინტერნეტი და კომპიუტერი და არ შეუძლია სასწავლო პროცესში ჩართვა.

სწორედ ამიტომ, ჩართეს გუნდი უსაფრთხოების ზომების დაცვითა და გაათმაგებული ძალებით აგრძელებს მოსწავლეების ჩართვას საქართველოს რეგიონებში.

კიდევ რისი გაკეთება შეგიძლიათ თქვენ?

დარეგისტრირდით საიტზე ყოველთვიურ დონორად. ამისათვის:

  1. შედით საიტზე და დააჭირეთ ღილაკს მე ჩავრთავ;
  2. აირჩიეთ თანხა, რომელიც გსურთ, რომ ყოველთვიურად ჩამოგეჭრათ;
  3. შეიყვანეთ პირადი და საბანკო მონაცემები.

სულ ეს არის! ამიერიდან თქვენ მიიღებთ ჩართეს გამჭვირვალობის ანგარიშს, რომელშიც დეტალურად იქნება ასახული, ვის დაეხმარეთ, როგორ დაიხარჯა თანხა და რა შედეგი გამოიღო თქვენმა შემოწირულობამ.

ერთჯერადად დააფინანსეთ მოსწავლეების ინტერნეტისა და ლეპტოპის ხარჯები:

მიმღები: ფონდი ექსესი

თიბისი ბანკი: GE89TB7022145067800003

საქართველოს ბანკი: GE50BG0000000162703442

მეტის გასაგებად იხილეთ ჩართეს პროექტის Facebook და Instagram ანგარშიები.