ეკონომიკის მინისტრის, ნათია თურნავას განცხადებით, ხვალ გაიმართება შეხვედრა ვაჭრობის ინდუსტრიასთან, სადაც სავაჭრო ქსელის წარმომადგენლებთან ერთად განიხილება 28 ნოემბერს მიღებული შეზღუდვების შემსუბუქება.

"ვაჭრობის ინდუსტრიასთან ხვალ გვექნება შეხვედრა, რადგან ჩვენ ვიხილეთ, რომ აჟიოტაჟური მოთხოვნის პირობებში რთულდება რიგების მართვა და რთულდება ეპიდემიოლოგიური რეკომენდაციების შესრულება. აქედან გამომდინარე, მოვუსმენთ, თუ როგორ მოახერხებენ ამას, ვიმსჯელებთ", — ამბობს თურნავა.

საქართველოში მორიგი შეზღუდვები 28 ნოემბრიდან დაწესდა, თუმცა მთავრობამ თქვა, რომ 24 დეკემბრიდან 2 იანვრის პერიოდში რეგულაციები შემსუბუქდება. კერძოდ, ქვეყნის მასშტაბით, იმუშავებენ სავაჭრო ცენტრები, ღია და დახურული ბაზრობები და აღდგება როგორც მუნიციპალური, ისე საქალაქთაშორისო ტრანსპორტის მუშაობა.

გაიგეთ მეტი ახალ შეზღუდვებზე: