ამერიკის შეერთებული შტატების სახელმწიფო მდივანი, მაიკ პომპეო კარანტინში გადავიდა. ამის შესახებ ინფორმაციას CNN ავრცელებს.

მედიის ცნობით, პომპეომ კორონავირუსით ინფიცირებულთან კონტაქტის შემდეგ, ამერიკის დაავადებათა კონტროლის ცენტრის რეკომენდაციით მიიღო ეს გადაწყვეტილება, ტესტირებაც უკვე ჩაიტარა და პასუხი უარყოფითი იყო.

პირადი ინფორმაციის დაცვის მიზნით, სახელმწიფო დეპარტამენტი არ ასახელებს პირს, ვისთან კონტაქტის გამოც გადავიდა პომპეო კარანტინში.