რატომ უყვირის ქალი კატას? — მხატვარმა ცნობილ მიმზე იდეალური ამბავი შეთხზა

კანადაში მცხოვრები ფისო სმაჯი 2019 წლიდან მოყოლებული ერთ-ერთი ყველაზე ცნობილი ინტერნეტ-სახეა და ამის მიზეზი ძალიან მარტივია: ალბათ, თქვენც კი ერთხელ მაინც გადაწყდომიხართ ინტერნეტში ცნობილ მიმს, რომელშიც გაბრაზებული ქალი სუფრასთან მჯდომ თეთრ კატას უყვირის და თითს უშვერს. ჰო, ეს სწორედ ის კატაა:

"ქალი უყვირის კატას" მიმი იმდენადვე მრავალმხრივია, რამდენადაც საკულტო — ის ინტერნეტში ყველაფრისთვის გამოუყენებიათ, დაწყებული უცხო სიტყვების წარმოთქმის წესითა თუ სხვადასხვა ინტერპრეტაციით, გაგრძელებული ნასვამობის ზეემოციური მომენტებით და დასრულებული ცნობილი ჰედლაინებითა და სხვა მიმებთან გაერთიანებით.

სატელევიზიო რეალითი შოუდან აღებული კადრი და გაბრაზებული თეთრი კატის ფოტოს მარტივი გაერთიანება იმდენად პოპულარული გახდა, რომ მისი შთაგონებით ჰელოუინის კოსტიუმები, საყოფაცხოვრებო ნივთები და საპროტესტო აქციების აბრები შეიქმნა. ეგ კი არა, კატას საკუთარი ვებსაიტიც კი აქვს.

ერთი სიტყვით, ხალხს უყვარს ეს მიმი და მასზე საუბარი. სწორედ ამის გამო, Twitter-ის ერთ-ერთმა მომხმარებელმა Unfins-მა ხუმრობით ამ ცნობილი მიმის სიტუაციის მოხდენის შესაძლო ისტორია მოიფიქრა და ის კომიქსად გარდაქმნა. აი, რა მივიღეთ: