ახალ წელს ყველაზე დაუჯერებელი ამბებიც რეალობად იქცევა და საოცარ თავგადასავლად იქცევა. სწორედ, ასე დაიწყო წელს Mymarket-ის საქველმოქმედო კამპანია, — აუსრულე მას, ვისაც სურს. თუ ჯერ კიდევ არ გჯერა საახალწლო სასწაულების, მაშინ ჩვენს საოცარ ამბავს გიამბობთ. ზღაპრები ხომ ასე იწყება, იყო და არა იყო რა, თავდაპირველად გაჩნდა იდეა, შემდეგ იდეამ უამრავი ადამიანი გააერთიანა და სასწაულიც დაიწყო. თუმცა, ამჯერად ნამდვილ ამბავს გიყვებით, დაუჯერებელი სიკეთის შესახებ, რომელიც, მოდი ისევ საახალწლო მაგიას დავაბრალოთ. როგორც ზღაპრებს შეეფერება, აქაც არის ერთი კეთილი ჯადოქარი, რომელიც აი, ასე უბრალოდ ასრულებს სურვილებს. თუმცა, ჩვენმა ზღაპრულმა გმირმა ყოველგვარ მოლოდინს გადააჭარბა და არა სამი სურვილი, როგორც ზღაპრის საუკუნოვანი ტრადიცია გვთავაზობს, არამედ უკლებლივ ყველა სურვილი აასრულა.

მოდი არ ვიჩქაროთ, ყველაფერი შარშან დაიწყო, როდესაც Mymarket-მა გადაწყვიტა განსაკუთრებული დღესასწაული ეჩუქებინა ბავშვებისთვის და შეექმნა პლატფორმა სურვილების ასასრულებლად.

"საქველმოქმედო პლატფორმის Mynewyear.ge კეთილმა ჯადოქრებმა გასულ წელს უამრავ ბავშვს შეუსრულეს საახალწლო სურვილი და რადგან შარშან შევძელით უამრავი ბავშვის გახარება, უკვე დაგროვილი გამოცდილების საფუძველზე წელსაც გადავწყვიტეთ კეთილ ჯადოქრებთან და პარტნიორ საქველმოქმედო ორგანიზაციასთან — ბავშვთა სოფელი საქართველო მიგველოცა ახალი წელი ბავშვებისთვის", — ამბობენ კომპანიაში.

ისევე როგორც, ერთი წლის წინ, Mynewyear.ge-ზე განთავსდა ცალკეული ბავშვის საახალწლო სურვილი მის სახელთან და ასაკთან ერთად, მოცემულია, ასევე, ოცნების ასასრულებლად საჭირო თანხა. თითქოს მოულოდნელი არაფერი უნდა ყოფილიყო, მაგრამ ხომ გახსოვთ, ახალი წელი განსაკუთრებული და მოულოდნელობებით აღსავსე დღესასწაულია. ვერავის წარმოედგინა, რომ გამოჩნდებოდა კეთილი ჯადოქარი, რომელიც ერთ დღეში პლატფორმაზე განთავსებულ ყველა სურვილს აასრულებდა.

მოულოდნელად გამოჩენილი მეგობარი გიორგი ახალაძე აღმოჩნდა. როგორც გაგვანდო პლატფორმაზე თავდაპირველად მხოლოდ ერთი სურვილი შეასრულა, შემდეგ, როგორც იცის ხოლმე სიკეთის მაგიურმა ძალამ, "შეყვა" ოცნებების ასრულებას და ბოლოს აღმოაჩინა რომ, იმ დროისათვის ვებგვერდზე განთავსებული, უკლებლივ ყველა სურვილი შეუსრულებია. როგორ ჩანს, 2020, წლის ბოლოს, ძალას კარგავს და იმედებით აღსასვსე 2021 სიურპიზებს არ იშურებს, ამიტომ ყველა იმედგაცრუებას საუკუნის ყველაზე ცუდი წლის სტატუსის მქონე 2020-ს გავატანთ და გვწამს, რომ ყველა სირთულეს ბედნიერი დასასრული აქვს, ხოლო წინ სიხარულით აღსავსე მომავალი გველოდება.

პლატფორმაზე Mynewyear.ge უკვე ახალი სურვილები გამოჩნდება, სადაც თითოეულ ჩვენგანს შეუძლია გახდეს კეთილი ჯადოქარი. სხვების ოცნებების ასრულება ჩვენც მაგიურ ძალას გვანიჭებს. ეწვიე Mynewyear.ge-ს და აუსრულე მას, ვისაც სურს.