საერთაშორისო გამჭვირვალობა — საქართველოს ხელმძღვანელმა, ეკა გიგაურმა განაცხადა, რომ ორგანიზაციას PVT არ ჩაუტარებია და სანამ კობახიძე ბრიფინგს გამართავს და სჯობს, ინფორმაცია გადაამოწმონ.

"საერთაშორისო გამჭვირვალობა საქართველოს PVT არ ჩაუტარებია, ამიტომ, სანამ მოაწყობდნენ ბრიფინგებს, კარგი იქნებოდა, რომ ეს ინფორმაცია გადაემოწმებინათ. არაფერი გვაქვს დასამალი, ვაკვირდებოდით 500 დამკვირვებლით, აქედან 450 უბანზე გვყავდა სტატიკური დამკვირვებლები, შესაბამისად, ისინი გვაწვდიდნენ ინფორმაციებს, რა ხდებოდა უბნებზე. ასევე, რა თქმა უნდა, გვაქვს ამ 450 უბნიდან მონაცემები ოქმებთან დაკავშირებით და ეს ოქმები ემთხვევა იმ ოქმებს, რომლებიც ატვირთულია ცესკოს საიტზე. ვინც დაინტერესდება ამის შესახებ, ნებისმიერი ინფორმაციის მიწოდება შეგვიძლია", — განაცხადა ეკა გიგაურმა.

მანვე აღნიშნა, რომ ირაკლი კობახიძის ეს გამოსვლა არის თავდასხმა NGO სექტორზე.

დღეს გამართულ ბრიფინგზე ქართული ოცნების აღმასრულებელმა მდივანმა, ირაკლი კობახიძემ განაცხადა, აქვთ ინფორმაცია, რომ TI-მ PVT ჩაატარა, მაგრამ არ გაასაჯაროვა, რადგან ცესკოს მონაცემებს ემთხვეოდა.