Google-მა გამოაქვეყნა წლის ტრენდები, ანუ სია, თუ რას ეძებდა სახლში დარჩენილი მსოფლიო მოსახლეობა პანდემიის დროს, ინტერნეტის ყველაზე პოპულარულ საძიებო სისტემაში.

როგორც აღმოჩნდა, ხელოვანებისა და მუსიკოსების სიაში ძიების რაოდენობით კოლუმბიელი მომღერალი შაკირა ლიდერობს. გუგლის სიაში ის ასევე რიგით მე-7 ადამიანია და უსწრებს ისეთ ცნობილ სახეებს, როგორებიც არიან ტომ ბრედი, კანიე ვესტი და ვანესა ბრაიანტი.

მუსიკოსების და ბენდების ათეული კი ასე გადანაწილდა:

  1. შაკირა;
  2. August Alsina;
  3. ადელი;
  4. Doja Cat;
  5. Grimes;
  6. ვან ჰალენი;
  7. Lizzo;
  8. თეიმარ ბრექსტონი;
  9. Quando Rondo;
  10. ტორი ლანეზი.

შაკირამ ცოტა ხნის წინ Black Eyed Peas-თან ერთად ახალი სინგლი, Girl Like Me და მასზე გადაღებული კლიპი გამოუშვა, რომელიც სულ მალე TikTok-ის ტრენდად იქცა. პლატფორმის ათასობით მომხმარებელი შაკირას მოძრაობების ათვისებაში ეჯიბრება ერთმანეთს.