ლეიბორისტული პარტიის ლიდერის, შალვა ნათელაშვილის განცხადებით ამერიკის ელჩთან შეხვედრაზე "რაღაც პატარა კვირტები თითქოს გამოისახა, მაგრამ რაიმე ძალიან ხელშესახები არა, ჯერჯერობით".

"უცბად არ იქნება გდაწყვეტილებები მიღებული, ჩვენ ეს გვესმის, მაგრამ მთავარია ხალხს პარლამენტის სახით ჰყავდეს ნამდვილი, თავისი წარმომადგენლობა. რაღაც პატარა კვირტები თითქოს გამოისახა, მაგრამ რაიმე ძალიან ხელშესახები არა, ჯერჯერობით", — განაცხადა ნათელაშვილმა შეხვედრის დასრულების შემდეგ.

ნათელაშვილი ამბობს, რომ უკეთესობისკენ ნიშნები საარჩევნო რეფორმის ხაზით გამოიკვეთა, მაგრამ ნათელაშვილის თქმით, მათ არა საარჩევნო რეფორმა, არამედ ახალი პარლამენტის არჩევნები სურთ.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და ბოიკოტი გამოუცხადეს არჩევნების მეორე ტურსაც, რომელიც 21 ნოემბერს ჩატარდა. მასში არცერთი ოპოზიციური პარტია მონაწილეობდა. 17 მაჟორიტარულ ოლქის გარდა, მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.

მეორე ტური მიმდინარეობდა იმ ვითარების ფონზეც, რომ პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს. ოპოზიციაში აცხადებენ, რომ მათი მოთხოვნები არ იცვლება და რიგგარეშე არჩევნებს მოითხოვენ. თავისი პოზიციების დათმობაზე უარს ამბობს ხელისუფლებაც. როგორც ქართულ ოცნებაში განმარტავენ, რიგგარეშე არჩევნების ჩატარებას არც განიხილავენ.

აშშ-ის და ევროკავშირის საელჩო ოპოზიციას მოუწოდებენ, პარლამენტში შევიდნენ, ვინაიდან მათთვის ერთპარტიული პარლამენტი მიუღებელია.