მოქალაქეების ლიდერი ალეკო ელისაშვილის თქმით, არსებობს კომპრომისები, მაგრამ ეს საკმარისი არ არის, ის აღნიშნავს, რომ ქართულმა ოცნებამ უნდა დათმოს მნიშვნელოვანი რაღაცეები. ამის შესახებ ელისაშვილმა, აშშ-ის ელჩის რეზიდენციაში ხელისუფლების წარმომადგენლებსა და ოპოზიციის პარტიებს შორის მოლაპარაკების მესამე რაუნდის დაწყებამდე განაცხადა.

"უნდა დათმოს ქართულმა ოცნებამ მნიშვნელოვანი რაღაცები. მაშინ მოლაპარაკებას საერთოდ აზრი არ ექნებოდა, მაშინ არც ჩვენ უნდა ვწვალობდეთ, არც ქართული ოცნება და არც ელჩები. შეიძლება დავიშალოთ ისე, რომ ვერანაირ შეთანხმებას ვერ მივაღწიოთ და ჩვენ ჩვენ გზაზე წავიდეთ, მაგრამ გარკვეული იმედი არის, რომ შეთანხმებას მივაღწევთ. გარკვეული კომპრომისები არის, არასაკმარისი. დანარჩენს სულ ცოტა ხანში გავიგებთ", — განაცხადა ელისაშვილმა.

საქართველოში აშშ-ის ელჩის, კელი დეგნანის რეზიდენციაში ხელისუფლების წარმომადგენლებსა და ოპოზიციას შორის საარჩევნო საკითხთან დაკავშირებით მოლაპარაკების მესამე რაუნდი ამ წუთებში მიმდინარეობს. შეხვედრას, რომელიც ცოტა ხნის წინ დაიწყო, ესწრებიან ფასილიტატორი ელჩები. ქართული ოცნების მხრიდან, პარტიის აღმასრულებელი მდივანი ირაკლი კობახიძე ესწრება.