სამოქალაქო მოძრაობა Tbilisi Pride ქვიარ თემის დახმარების მიზნით კამპანიას იწყებს. კორონავირუსის პანდემიის პირობებში უამრავი ადამიანის სოციალურ-ეკონომიკური სიტუაცია გაუარესდა, მათ შორისაა ქვიარ თემიც. მათი კრიზისისა და პრობლემების მოგვარების მიზნით, პრაიდმა საგანგებო ფონდი შექმნა.

თუ ქველმოქმედების მსურველი ხართ, შეგიძლიათ ჩარიცხეთ მინიმუმ 5 ლარი საგანგებო ფონდის ანგარიშზე: GE43TB7143445067800004 და სიმბოლურ საჩუქრად თბილისი პრაიდი ფერად და ორიგინალურ პირბადეს გადმოგცემთ.

"შემოსული თანხა სრულად მოხმარდება ქვიარ თემის იმ წევრებს რომლებმაც COVID-19-ით გამოწვეული კრიზისის გამო დაკარგეს შემოსავლის წყარო ან/და საცხოვრებელი ადგილი", — აცხადებს მოძრაობა.

თანხის ჩარიცხვის შემდეგ, შეგიძლიათ დაუკავშირდეთ თბილისი პრაიდს ფეისბუქის გვერდზე და სასურველი დიზაინის პირბადე მოითხოვოთ, რომელსაც კამპანიის ორგანიზატორები გადმოგცემენ.

ფოტო: Tbilisi Pride

ფოტო: Tbilisi Pride

ფოტო: Tbilisi Pride

ფოტო: Tbilisi Pride