ოკუპირებული ცხინვალის იზოლატორში მოკლული ინალ ჯაბიევის საქმის გამოძიების მოთხოვნით საპროტესტო აქცია მიმდინარეობს. ე.წ. სახელისუფლებო მედია რესი წერს, რომ ცხინვალის ცენტრალურ მოედანზე ამ წუთებში 50-მდე ადამიანია შეკრებილი. აქციის მონაწილეებთან დე ფაქტო შინაგან საქმეთა მინისტრი, მერაბ პუხაევი მივიდა, რომელმაც შეკრებილებს წესრიგის დაცვისა და დაშლისკენ მოუწოდა. პუხაევის თქმით, აღნიშნულ საქმეზე გამოძიება მიმდინარეობს და ყველა დამნაშავე დაისჯება.

ცხინვალის წინასწარი დაკავების იზოლატორში 28 წლის, ინალ ჯაბიევი აგვისტოში გარდაიცვალა. ჯაბიევი დე ფაქტო მინისტრის მანქანისთვის ცეცხლის გახსნის ბრალდებით იყო დაკავებული.

გარდაცვლილის ახლობლების თქმით, მას ციხეში აწამებდნენ. აქციის მონაწილეები დანაშაულში პასუხისმგებელ პირთა დასჯას ითხოვენ.