იუსტიციის სამინისტროს თანამშრომლების მივლინებებზე 2016 წელს 373 529 ლარი დაიხარჯა. ამ თანხიდან 308 317 ლარი თანამდებობის პირების მივლინებებს მოხმარდა. თანხის თითქმის მეექვსედი - 65 212 ლარი კი უწყების სხვა თანამშრომლების მივლინებებზე დაიხარჯა.

ქვეყნის შიგნით მივლინენებისთვის როგორც თანამდებობის პირებისთვის, ასევე სხვა დანარჩენი თანამშრომლებისთვის თითქმის ერთი და იგივე თანხა დაიხარჯა. თანამდებობის პირების ხარჯი 10 552 ლარი იყო, სხვა თანამშრომლების კი - 11 300. ქვეყნის გარეთ მივლინებების შემთხვევაში, 297 795 ლარი დაიხარჯა თანამდებობის პირებზე, ამ თანხის თითქმის მეექვსედი - 53 912 ლარი კი სხვა თანამშრომლებზე.

მინისტრისა და მისი მოადგილეების მივლინების ხარჯი 2016 წელს 141 597 ლარი იყო. ამ თანხიდან ყველაზე დიდი ნაწილი - 59 342 ლარი - მზგავრობაზე მოდის, 53 951 ლარი - სასტუმროზე, 14 234 ლარი - დღიური ხარჯი იყო, 11 292 ლარი - დანამატი, წარმომადგენლობითი ხარჯი - 2 226 ლარი, სხვა ხარჯები კი - 552 ლარი.