შინაგან საქმეთა სამინისტროს ცნობით, ბოლო 24 საათის განმავლობაში, დაწესებული შეზღუდვების ფარგლებში მოქმედი რეგულაციების დარღვევის 1028 შემთხვევა გამოავლიეს. მათ შორის, პირბადის ტარების წესის დარღვევისთვის დაჯარიმდა 945 ადამიანი.

გარდა ამისა, უწყების ცნობით, იზოლაციისა და კარანტინის წესის, ასევე ე.წ. კომენდანტის საათის დარღვევის 83 შემთხვევა დააფიქსირა, რაც ადმინისტრაციულ სამართალდარღვევათა კოდექსის 42(10)-ე მუხლის შესაბამისად 2 000-ლარიან ჯარიმას გულისხმობს.

უწყებათაშორისმა საკოორდინაციო საბჭომ კორონავირუსის გავრცელების საპრევენციო ღონისძიებები გამკაცრა და ახალი შეზღუდვები დააწესა, რომელიც ითვალისწინებს გადაადგილების, მუნიციპალური და საქალაქთაშორისო ტრანსპორტის შეზღუდვას, რესტორნებისა და ფიტნესცენტრების დახურვასა და სხვა აკრძალვებს. შეზღუდვები ძალაში 28 ნოემბრიდან 31 იანვრამდე იქნება, თუმცა არის რამდენიმე საგამონაკლისო პერიოდი, როცა ე.წ. შემსუბუქება ამოქმედდება. კერძოდ, ეს წინასაახალხლო პერიოდში მოხდება.

გაიგეთ მეტი: