დღეს, 27 ნოემბერს, დილის საათებში დიღმის მასივში საქართველოს ბანკის ექსპრეს ფილიალი დააყაჩაღეს. ინფორმაცია On.ge-ს ბანკსა და შინაგან საქმეთა სამინისტროში დაუდასტურეს. On.ge-ის კითხვას წაიღეს თუ არა ბანკიდან თანხა და რა ოდენობის, არ პასუხობენ.

როგორც უწყებაში ამბობენ, საქმეზე გამოძიება დაწყებულია 179-ე მუხლის მესამე ნაწილის "გ" ქვეპუნქტით. რაც გულისხმობს დიდი ოდენობით ნივთის დაუფლების მიზნით ყაჩაღობას და ის ისჯება თავისუფლების აღკვეთით ვადით რვიდან თორმეტ წლამდე.