განახლება: მასალის თავდაპირველი ვერსია უზუსტობის გამო შეიცვალა. On.ge ბოდიშს უხდის მკითხველს შეცდომაში შეყვანის გამო.

პრემიერმინისტრის, გიორგი გახარიას განმარტებით, ტაქსებთან მიმართებით არანაირი სპეციფიკური შეზღუდვა არ წესდება, გარდა იმისა, რაც აქამდე იყო. ტაქსებზე მოქმედებს უკვე არსებული დადგენილება. ამის შესახებ მან უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე საუბრა.

რაც შეეხება ტაქსების გაადგილების დადგენილებას:

  • ტაქსები იმოძრავებენ 21:00 საათიდან 05:00 საათამდე;
  • არ შიძლება 2 მგზავრზე მეტის გადაყვანა და ორივე მათგანი უკანა სავარძლებზე უნდა იჯდეს;
  • ტაქსით გადაადგილებისას ყველა მგზავრსა და მძღოლსაც პირბადე უნდა ეკეთოთ.

უწყებათაშორისი საკოორდინაციო საბჭოს გადაწყვეტილებით, 28 ნოემბრიდან 31 იანვრის ჩათვლით საქართველოს დიდ ქალაქებში საზოგადოებრივი ტრანსპორტის გადაადგილება შეიზღუდება, გარდა გამონაკლისი პერიოდისა. მუნიციპალური ტრანსპორტი არ იმუშავებს თბილისში, თელავში, ბათუმში, ქუთაისში, რუსთვში, გორში, ფოთსა და ზუგდიდში.

საბჭოს განცხადებით, 24 დეკემბრიდან 2 იანვრის პერიოდში ხდება შეზღუდვების შემსუბუქება: კერძოდ, ქვეყნის მასშტაბით, აღდგება როგორც მუნიციპალური, ისე საქალაქთაშორისო ტრანსპორტის მუშაობა. 3 იანვრიდან 15 იანვრის ჩათვლით იქნება იგივე შეზღუდვები, რაც 24 დეკემბრამდე იყო. ხოლო 16 იანვრიდან 31 იანვრის ჩათვლით ქვეყნის მასშტაბით აღდგება მუნიციპალური და საქალაქთაშორისო ტრანსპორტის მუშაობა გარდა შაბათ-კვირისა.

გაიგეთ მეტი ახალ შეზღუდვებზე:

26 ნოემბრის მონაცემებით, საქართველოში კორონავირუსის კიდევ 3 801 ახალი შემთხვევა გამოვლინდა. გარდაიცვალა 39 და გამოჯანმრთელდა 3 200 პაციენტი. პანდემიის დაწყების დღიდან ქვეყანაში სულ 118 690 შემთხვევა დადასტურდა, აქედან 98 781 ადამიანი გამოჯანმრთელდა, ხოლო 1 124 — გარდაიცვალა.

ეპიდემიოლოგები და სამთავრობო გუნდის წევრები ამბობდნენ, რომ ვირუსის პრევენციისთვის შეზღუდვები აუცილებელია, თუმცა სრული "ლოქდაუნი" ქვეყნის ეკონომიკას დააზარალებს, ამიტომ ეტაპობრივად, წერტილოვანი შეზღუდვები დაწესდება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: