უმსხვილესი საიმპორტო სასაქონლო ჯგუფი 2016 წელს, წინა წლის მსგავსად, სამკურნალო საშუალებები იყო. 2 892 მილიონი ამერიკული დოლარის ღირებულების მედიკამენტების წილი იმპორტირებული პროდუქტის 29 პროცენტია. სამკურნალო საშუალებებიდან დიდი წილი - 2 619 მილიონი ამერიკული დოლარის ღირებულების C ჰეპატიტის მედიკამენტებია.

საქსტატის წინასწარი მონაცემებით, იმპორტირებულ პროდუქტში მეორე ადგილზეა ნავთობპროდუქტები, რომლის ჯამური ღირებულებაც 619 მილიონი ამერიკული დოლარი (6%) იყო. მესამე ადგილზე კი მსუბუქი ავტომობილების იმპორტია (5%) 473 მილიონი ამერიკული დოლარით.

2016 წელს იმპორტირებული პროდუქტის ათეულში შედიან: სპილენძის მადნები და კონცენტრანტები (2.5%), სატელეფონო აპარატები (1.8%); სიგარეტი (1%) და სხვა. იმპორტირებულ პროდუქტში მეცხრე ადგილზეა ხორბალი (0,9%).