25 ნოემბერს, საქართველოს კინოაკადემიის დრაბაზში (თბილისი), საავტორო კინოს ბათუმის საერთაშორისო ფესტივალის დახურვის ცერემონია გაიმართა. არსებული სიტუაციიდან გამომდინარე, ღონისძიებას ძალიან შეზღუდული რაოდენობა (ჟიურის წევრები, გამარჯვებული ფილმების წარმომადგენლები) ესწრებოდა და დახურვის ცერემონიის ონლაინ ტრანსლიაცია ფესტივალის FACEBOOK გვერდზე მიმდინარეობდა.

საერთაშორისო ჟიურიმ პრიზები ოთხ საკონკურსო სექციაში გასცა. ესენია: საერთაშორისო მხატვრული, დოკუმენტური, მოკლემეტრაჟიანი ფილმები და ასევე, სპეციალური სექცია — COVIDEO (პანდემიის პირობებში გადაღებული მოკლემეტრაჟიანი ფილმები), ქართველ კინოკრიტიკოსთა ჟიურიმ კი კრიტიკოსთა რჩეული მატვრული ფილმი გამოავლინა.

BIAFF 2020-ის მხატვრული ფილმების საერთაშორისო კონკურსის სექციის ხუთკაციანმა ჟიურიმ — ლანა ღოღობერიძემ (ჟიურის თავჯდომარე), კარმენ გრეიმ (გერმანია), ლეიტ აბდულამირიმ (საფრანგეთი), ნიკა აბრამიშვილმა (საქართველო) და გიორგი ოვაშვილმა (საქართველო) გამარჯვებულები შემდეგ ნომინაციებში ამოავნილეს:

• გრანპრი — ბოროტება არ არსებობს (მუჰამედ რასულოფი, გერმანია/ირანი/ჩეხეთი, 2020);
• საუკეთესო რეჟისურა — ყვითელი კატა (ადილხან ერზანოვი, ყაზახეთი/საფრანგეთი, 2020);
• საუკეთესო მსახიობი მამაკაცი — ალბერტ სჩუჩი და უელკეტ ბუნგიუ ფილმში ბერლინი, ალექსანდერპლაცი (ბურჰან ქურბანი, გერმანია/ჰოლანდია, 2020);
• საუკეთესო მსახიობი ქალი — მარიჟა სკარიჩიჩი, ფილმში მარე (ანდრეა სტაკა, შვეიცარია/ხორვატია, 2020);
• ჟიურის სპეციალური პრიზი, პერსონა N2 — ნინო ბასილია (საქართველო/გერმანია, 2020);

BIAFF 2020-ის დოკუმენტური ფილმების საერთაშორისო კონკურსის სექციის ჟიურიმ: ნინო კირთაძე (საფრანგეთი/საქართველო) — ჟიურის თავჯდომარე, ქშიშტოფ გიერატი (პოლონეთი), ირინა რომანჩენკო (უკრაინა), მიხეილ კვირიკაძე (საქართველო), გამოავლინა შემდეგი გამარჯვებულები:

• საუკეთესო დოკუმენტური ფილმი — ვეშაპი ლორინოდან, მასიეჟ ჩუსკე, პოლონეთი, 2019;
• ჟიურის სპეციალური პრიზი — დისკვალიფიცირებული, ჰამზა ოუნი, ტუნისი/საფრანგეთი/ყატარი, 2020;

BIAFF 2020-ის ქართველ კინოკრიტიკოსთა ჟიურიმ — ლელა ოჩიაურმა, თეო ხატიაშვილმა და არჩილ შუბაშვილმა, გამოვლინა კინოკრიტიკოსთა რჩეული ფილმი:

• საუკეთესო მხატვრული ფილმი — სიკვდილის პირას (ჰილალ ბაიდაროვი, აზერბაიჯანი/აშშ/მექსიკა, 2020).

BIAFF 2020-ის მოკლემეტრაჟიანი ფილმების საკონკურსო სექციის ჟიურიმ მოკლემეტრაჟიანი ფილმებისა და COVIDEO საკონკურსო სექციის ფილმები შეაფასა. ჟიური სამი წევრისგან შედგებოდა — ოთარ ლითანიშვილი (თავჯდომარე), ზურაბ მაღალაშვილი და დათო ევგენიძე. მათ მიერ გამვლინდა გამარკვებულები:

• საუკეთესო მოკლემეტრაჟიანი ფილმი — ლოლო (მიხალ პიოტროვსკი, პოლონეთ, 2020);

• ჟიურის დიპლომი (სპეციალური მოხსენიება) გადაეცა ორ ფილმს:

  — მარადიული ღამე (პედრო პერალტა, პორტუგალია, 2020);

  — ფრანები (სეიედ ჰოსეინი, ირანი, 2020).

COVIDEO — მოკლემეტრაჟიანი ფილმების სექცია (პანდემიის დროს გადაღებული მოკლემეტრაჟიანი ფილმების სპეციალური სექცია):

• საუკეთესო ფილმი — 1412 (ანა ჯაფარიძე, საქართველო, 2020);
• ჟიურის დიპლომი (სპეციალური მოხსენიება) გადაეცა ორ ფილმს:

— მოსაწვევი (მელთემ ქემილოღლუ, თურქეთი, 2020; 2.20 წთ.);

— ღვინო დედასთვის — კარანტინი 2020 (ვალერის ოლეჰნო, ლატვია, 2020).

BIAFF-ის პრიზი კინოხელოვნების განვითარებაში შეტანილი წვლილისათვის გადაეცათ:

• ნანა ჯორჯაძე (საქართველო);

• მერაბ კოკოჩაშვილი (აშშ);

• დათო ევგენიძე (საფრანგეთი).

კინოფესტივალის შესახებ ინფორმაციის მიღება შესაძლებელია BIAFF-ის ვებ-გვერდიდან და სოციალური ქსელიდან.