დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრ ეკატერინე ტიკარაძის განცხადებით, კორონავირუსით ხელახლა დაინფიცირების შესახებ გავრცელებულ ინფორმაციას ამ ეტაპისთვის იკვლევენ. მთავრობის ადმინისტრაციაში გამართულ ბრიფინგზე ჟურნალისტის კითხვის საპასუხოდ მან თქვა, რომ ამის შესახებ განცხადებას ინფორმაციის დაზუსტების შემდეგ გააკეთებენ.

"რა თქმა უნდა გავაკეთებთ განცხადებას. ეს არ არის დადასტურებული, აქედან გამომდინარე გვესაჭიროება გარკვეული დრო, რომ მივიღოთ სწორი პასუხი", — განაცხადა ტიკარაძემ.

25 ნოემბრის მონაცემებით, საქართველოში კორონავირუსის 3 071 ახალი შემთხვევა დადასტურდა, გამოჯანმრთელდა — 3 366 ადამიანი, გარდაიცვალა — 34.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 114 889-ს. ჯამში გამოჯანმრთელებულთა რაოდენობა გაიზარდა 95 581-მდე. 2020 წლის 26 თებერვლიდან დღემდე სულ გვაქვს 1 085 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: