თბილისის მერის კახა კალაძის თქმით, ქვეყანაში უკანონო მიწების მითვისება ხდება ეს კი დაუშვებელია და დღესვე უნდა მოხდეს მათი დემონტაჟი, ასევე, აღნიშნა, რომ თუ საჭირო გახდება ამაში შინაგან საქმეთა სამინისტროც ჩაერევა.

"ქვეყანაშ ხდება უკანონოდ სახელმწიფო მიწების დატაცება, რაც კატეგორიულად მიუღებელია და ჩვენ ამას არ დავუშვებთ, ამან უკვე მიიღო სისტემატიური ხასიათი, ძალიან ბევრი შემთხვევა გვაქვს ასეთი, მე მინდა დავავალო მუნიციპალური ინსპექციის ხელმძღვანელს ლევან ჯღარკავას, რომ დღიდანვე დაიწყოთ ქმედებები, ვიცი რომ გაფრთხილებული გყავთ ზოგიერთ მათგანი და თუ თვითონვე არ დაიწყებენ დემონტაჟს, მიდით და თქვენ დღესვე დაიწყეთ დემონტაჟი, დაიხმარეთ შინაგან საქმეთა სამინისტროც ", — განაცხადა კალაძემ.

კალაძემ აღნიშნა, რომ ეს მიწები არც მისია და არც ვინმესი, ეს არის სახელმწიფოსი და გამორიცხულია ვინმემ უკანონოდ მიიტაცოს.