ნაციონალური მოძრაობის ლიდერის ხატია დეკანოიძე, ამომრჩევლებს მოუწოდებს, რომ არჩევნების მეორე ტურზე არ მივიდნენ და ქართულ ოცნებას ბოიკოტი გამოუცხადონ.

"მოვუწოდებთ ჩვენ ყველა მომხრეს, არ მივიდნენ არჩევნებზე, იმიტომ რომ ჩვენ გვაქვს ბოიკოტი მეორე ტურზე. ჩვენ გესაუბრებით პარტიის, ჩვენი ბლოკის, მეორე ტურში გადასული მაჟორიტარების სახელით, მინდა მოვუწოდო ყველას, პარტიის და მათ შორის, ისნის ამომრჩევლებს", — განაცხადა ხატია დეკანოიძემ.

ხატია დეკანოიძის თქმით, 21 ნოემბერს იგეგმება, როგორც წერტილოვანი აქციები, ასევე ცოცხალი ჯაჭვის აქციაც.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს.