ამერიკის სახელმწიფო დეპარტამენტის განცხადებით, მაიკ პომპეო საქართველოში წარმოამდგენელს დატოვებს, რომელიც ოპოზიციასა და არასამთავრობოებს შეხვდება. ამის შესახებ მათ პომპეოს საქართველოში ვიზიტის შესაჯამებლად გამართულ პრესკონფერენციაზე ისაუბრეს.

"ის ტოვებს წარმომადგენელს, რომელიც შემდეგ შეხვდება ოპოზიციურ ფიგურებს, არასამთავრობოებს, რომლებიც საარჩევნო პროცესში იღებდნენ მონაწილეობას. ეს ხაზს კიდევ ერთხელ გაუსვამს დასავლეთისა და ევრო-ატლანტიკური საზოგადოების მხარდაჭერას ამ ინსტიტუტების განვითარებაში და მთავარ გზავნილსაც აჩვენებს: გამოიყენეთ ეს ინსტიტუტები. არ გამოაცხადოთ მხოლოდ ბოიკოტი თქვენი სურივილების მისაღწევად. აგრეთვე, შეხვდით ბიზნესის წარმომადგენლებს, იმიტომ, რომ ამ გზავნილის ერთ-ერთი მიზანი სწორედ ეს არის — ნდობის გაზრდა და ისეთი ბიზნესის გარემოს შექმნა, რომ უცხოური ინვესტიციები მოიზიდოთ მსოფლისო იმ კუთხეში, სადაც დიდი პოტენციალია ვაჭრობის, ინვესტიციებისთვის", — განაცხადეს პრესკონფერენციაზე.

საპარლამენტო არჩევნები საქართველოში 31 ოქტომბერს ჩატარდა. ოპოზიცია შედეგებს არ აღიარებს და ბოიკოტის რეჟიმშია — ისინი პარლამენტში არ შედიან. გუშინ საქართველოს ამერიკის სახელმწიფო მდივანი, მაიკ პომპეო ეწვია, მან ხელისუფლების წარმომადგენლებთან, სამოქალაქო სექტორთან და პატრიარქთან შეხვედრები გამართა. პარალელურად მიმდინარეობდა ოპოზიციის მდუმარე აქციაც.