მერია მოსახლეობას მოუწოდებს, არ ენდონ პირებს, რომლებიც თბილისის მერიის სახელით დეზინფექციას სთავაზობენ.

თბილისის მერიის ინფორმაციით, დედაქალაქში კვლავ გააქტიურდნენ უცნობი პირები, რომლებიც თბილისის მერიის სახელით, სხვადასხვა უბანში, კორპუსებში მცხოვრებ ოჯახებს გარკვეული თანხის სანაცვლოდ სადარბაზოების დეზინფიცირებას სთავაზობენ.

მათივე ინფორმაციით, არც თბილისის მერიის და არც მის დაქვემდებარებაში მყოფი არცერთი უწყების კომპეტენციაში არ შედის სადარბაზოების დეზინფექცია, დეზინსექცია და დერატიზაცია.