დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ქვეყანაში შეზღუდვების გამკაცრებისა და გაფართოების პროცესი არ გაჩერდება. NCDC-ის ხელმძღვანელის თქმით, ეპიდსიტუაციის მიხედვით, შესაძლებელია წერტილოვანი შეზღუდვები კიდევ უფრო გაფართოვდეს.

"სხვანაირად ამ პანდემიის შეკავება ვერ ხორციელდება. ჩვენ უნდა გავითვალისწინოთ ის გამოცდილება, რასაც გადიან ევროპული თუ არაევროპული ქვეყნები გადიან", — განაცხადა გამყრელიძემ.

საკოორდინაციო საბჭოს გადაწყვეტილებით, 9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22 საათიდან დილის 5 საათამდე გადაადგილება შეიზღუდება. შეზღუდვა გავრცელდება როგორც ქვეითად, ისე ტრანსპორტით და კერძო ავტომობილებით მოსიარულეებზე.

მომდევნო კვირიდან დაიკეტება, აგრეთვე, დიდ ქალაქებში კერძო და საჯარო ბაღები.

7 ნოემბრის მონაცემებით, საქართველოში კორონავირუსის 2 859 ახალი შემთხვევა დადასტურდა, გამოჯანმრთელდა — 2 754, გარდაიცვალა 18 ადამიანი.

ჯამში, ამ ეტაპზე აქტიური ინფიცირებული შემთხვევა არის 14 612. კარანტინის რეჟიმში 3 015 პირი იმყოფება, სტაციონარში მეთვალყურეობის ქვეშ — 4 670.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: