ევროპული საქართველოს ერთ-ერთი ლიდერი, გიგა ბოკერია, მამუკა მდინარაძის განცხადებას ეხმაურება იმის შესახებ, რომ 19-მდე უბნის გადათვლის შედეგად, მცირედით გაუმჯობესდა კიდეც მმართველი პარტიის შედეგები.

ბოკერიას თქმით, მაშინ როდესაც პროპორციული ბიულეტენების მესამედსა და მაჟორიტარული ბიულეტენების ნახევარში არის დისბალანსი, მდინარაძისგან ეს განცხადება აზრს მოკლებულია.

"პროპორციული ბიულეტენების და მაჟორიტარულის, თითქმის ნახევარში არის დისბალანსი და ამ ტიპის დისბალანსი, რომელიც ყველამ ნახა, არა რაიმე არაოფიციალურ გვერდზე, არამედ ცესკოს ოფიციალურ გვერდზეა. მთელი ეს ნიაღვარი სისულელის მდინარაძისგან, ან ნებისმიერი სხვა კლოუნისგან აზრზს მოკლებულია საერთოდ.

რაც შეეხება გადათვლას, სადაც თვითონ შეარჩევენ და გადათვლიან რამდენ უბანშია, ეს კი არა არის ტესტი, ტესტია ის, რომ სადაც რეპუტაციის მქონე სადამკვირვებლო ჯგუფები, ან ოპოზიცია ითხოვს გადათვლას, იქ რომ საერთოდ არც იხილავენ საჩივრებს, რაც ვნახეთ მთელი ამ დღეების განმავლობაში.

სურათი არის ძალიან მკაფიო და ძალიან მძიმე ქვეყნისთვის. ამის შემოქმედი არის ივანიშვილის მთავრობა, ივანშვილის სუს-ი და ივანიშვილის საარჩევნო კომისიები, რომლებმაც მთელი ამ პერიოდის განმავლობაში, განსაკუთრებით საარჩევნო დღეს და ღამეს ოპერაცია ჩაატარეს და ივანიშვილის, ე.წ ბიძინას კარუსლებეს რასაც ეძახიან, გაკონტროლების, ხმის ყიდვის, დაშინების და ჩაყრის ინსტუმენტების გამოყენებით.

ამ მეთოდებით მოხდა ჩვენი საზოგადოების ნების აშკარა გაყალბება. ივანიშვილმა ვერ მოიპოვა მანდატი ჩვენი ხალხის, ამიტომაა ეს შედეგი, რაც ცესკოს უდევს, არალეგიტიმური", — განაცხადა ბოკერიამ.