ნაციონალური მოძრაობის წევრი, ზვიად კუპრავა გაათავისუფლეს. როგორც მან On.ge-ს განუცხადა, სამართალდამცავებს დაკავებული 2 საათის განმავლობაში ჰყავდათ.

"მქონდა კონკრეტული მტკიცებულებები მიტანილი გაყალბებულ არჩევნებზე, მათ შორის ჩაბნებელ უბნებზე, რომელიც იყო არაერთი და ამიტომ დამაკავეს. მაგრამ ვაგრძელებ ბრძოლას და ხვალიდანვე შევუერთდები საპროტესტო აქციას", — ამბობს კუპრავა.

ვაკის საოლქო კომისიასთან მომხდარი დაპირისპირებისას ერთიანი ნაციონალური მოძრაობის წევრი, პოლიციამ დღეს, 5 ნოემბერს დააკავა. მასთან ერთად დააკავეს აქციის 3 მონაწილე.

თბილისის გარდა, საქართველოს სხვადასხვა ქალაქის საოლქო საარჩევნო კომისიებთან საპროტესტო აქციები მიმდინარეობს. 31 ოქტომბრის საპარლამენტო არჩევნების შედეგებს ოპოზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს.