ვაკის საოლქო კომისიასთან მომხდარი დაპირისპირების შემდეგ ერთიანი ნაციონალური მოძრაობის წევრი, ზვიად კუპრავა პოლიციამ ძალის გამოყენებით გაიყვანა. მთავარი არხის კადრებში ჩანს, რომ პოლიციის წინააღმდეგობის მიუხედავად, კუპრავა საოლქო კომისიის შენობაში შესვლას ცდილობს და სამართალდაცავებისგან პასუხად იღებს: "გაჩერდი, თორემ დაგაკავებ".

შინაგან საქმეთა სამინიტროში ამ ეტაპზე არ ადასტურებენ კუპრავა დააკავეს, თუ ტერიტორიას განარიდეს. როგორც On.ge-ს უწყებაში უთხრეს, დეტალებს არკვევენ. მათ პასუხს მიღებისთანავე შემოგთავაზებთ.

საბურთალოს საოლქო კომისიაში შედეგების გადათვლა ოპოზიციის პროტესტის ფონზე მიმდინარეობს. სამართალდამცავებსა და აქციის მონაწილეებს შორის დაპირისპირების დროს სიტუაცია რამდენჯერმე დაიძაბა.