ვიცე-პრემიერმა, მაია ცქიტიშვილმა დამსაქმებლებს სახლიდან მუშაობისკენ მოუწოდა. მისი თქმით, ამის შესახებ მითითება უკვე გაცემულია.

"ჩვენ, ასევე, უკვე მოვუწოდეთ ჩვენს საჯარო სექტორს, ასეთი მითითებაა გაცემული, რომ მაქსიმალურად გადავიდნენ დისტანციურ რეჟიმში და უკვე მოვუწოდეთ კომერციულ სექტორსაც. დღესაც მინდა გავიმეორე ეს მოწოდება და გთხოვოთ ყველას, ყველა დამსაქმებელს, მაქსიმალურად მოვახერხოთ და ჩვენი თანამშრომლები ვამუშავოთ სახლიდან", — განაცხადა ცქიტიშვილმა.

5 ნოემბერს საქართველოში კორონავირუსის მორიგი ანტირეკორდი 2 401 ახალი შემთხვევა გამოვლინდა, გამოჯანმრთელდა 2 289 პირი.