REDMED-მა ახალი კორონავირუსით ინფიცირებული და დაინტერესებული ადამიანებისთვის COVID-19 მართვის ონლაინ პროგრამა შექმნა. პროგრამის ფარგლებში, მომხმარებლებს შეუძლიათ ვირუსთან დაკავშირებულ კითხვებზე სპეციალურად გადამზადებული ოჯახის ექიმის კონსულტაცია 24 საათის განმავლობაში, ნებისმიერ დროს მიიღონ.

ვირუსის დისტანციური მართვა მოიცავს:

  • სიპტომების პირვალად შეფასებას და მკურნალობის რეჟიმის განსაზღვრას;
  • ბინაზე ინფექციის მართვას და მკურნალობას;
  • ექიმის კვალიფიციურ პასუხს COVID-19 ინფექციასთან დაკავშირებულ კითხვებზე;
  • პაციენტის განათლებას თვითიზოლაციისა და ოჯახის წევრების დაცვის შესახებ.

ოჯახის ექიმების ვირუსის მართვის პროგრამა შეიქმნა ყველასთვის, ვინც მკურნალობს სახლში, არის თვითიზოლაციაში, ან საკარანტინე ზონაში, მიუხედავად იმისა, სარგებლობს თუ არა სახელმწიფო ბენეფიტებით.

ოჯახის ექიმთან კონსულტაცია ვიდეოზარით ხორციელდება. პირველ კონსულტაციაზე ინფიცირებული პაციენტის მდგომარეობის შეფასდეაბ — განისაზღვრება, რამდენად საჭიროა პაციენტის კლინიკაში მკურნალობა. ბინაზე მკურნალობის გაგრძელების შემთხვევაში ექიმი განსაზღვრავს, როგორი განრიგით განაგრძოს პაციენტის ჯანმრთელობის მდგომარეობის მეთვალყურეობა. აღსანიშნავია ისიც, რომ პირველი კონსულტაციიდან მომდევნო შვიდი დღის განმავლობაში დამატებითი თანხის გადახდის გარეშეა შესაძლებელი ექიმთან დარეკვა და რჩევის მიღება.

COVID-19-ის მართვის პროგრამაში ჩართულ ოჯახის ექიმებს უკვე გავლილი აქვთ გადამზადების სპეციალური კურსი და სრულად ფლობენ COVID-19-ის ინფექციის მართვის ადგილობრივ და საერთაშორისო პროტოკოლებს.

მათ, ასევე, გავლილი აქვთ სპეციალურად მათთვის შემუშავებული ტრენინგი, რომელსაც ოკლაჰომა სითის ფედერალური კლინიკის მედიცინის დეპარტამენტის დირექტორი და ოკლაჰომას უნივერსიტეტის ასოცირებული პროფესორი, ინფექციონისტი გიორგი კურდღელაშვილი უძღვებოდა.

REDMED-ის ონლაინ კლინიკის ოჯახის ექიმიები 24 საათის განმავლობაში იქნებიან ხელმისაწვდომი. მარტივად და სწრაფად დაჯავშნე ექიმთან ვიდეო კონსულტაცია და მიიღე ყველა საჭირო კითხვაზე კვალიფიციური ექიმის პასუხი.