თბილისის მერის, კახა კალაძის თქმით, იმ ადამიანების მიმართ, ვინც საზოგადოებრივ ტრანსპორტში პირბადის ტარების წესებს დაარღვევს, კატეგორიული იქნება.

"გუშინ 1 489 მგზავრი შეეცადა, ავტობუსში პირბადის გარეშე ამოსვლას, რასაც შესაბამისი გაფრთხილება მოჰყვა, ათასზე მეტს მიეცა გაფრთხილება. გამოიძახეს საპატრულო პოლიცია ორ შემთვევაში. გამოვლინდა ფეხზე დგომით მგზავრობა სამ შემთხვევაში და ამ მიკროავტობუსის მძღოლებს ორი დღით აეკრძალათ მუშაობა", — განაცხადა კახა კალაძემ.

კალაძის თქმით, პირბადის ტარება არის აუცილებლობა, რათა დავიცვათ ჩვენი და სხვების უსაფრთხოებაც, ამიტომ ყოველდღიურ რეჟიმში კონტროლდება მგზავრების საზოგადოებრივი ტრანსპორტით გადაადგილება.