შვედეთის სამეფოს საგარეო საქმეთა მინისტრ, ან ლინდეს განცხადებით, შვედეთი ეუთო/ოდირისა და ევროკავშირის მიერ 31 ოქტომბრის არჩევნებზე გამოქვეყნებულ შეფასებას იზიარებს.

"როგორც საქართველოს მეგობრები, შვედეთი იაზიარებს ევროკავშირისა და ეუთო/ოდირის განცხადებებს საქართველოში ჩატარებულ არჩევნებთან დაკავშირებით. განცხადებებში აღნიშნულია, რომ არჩევნები კონკურენტუნარიანი იყო და, მთლიანობაში, ძირითადი თავისუფლებები დაცული. ჩვენ ყველა საჩივრის სამართლიან და გამჭვირვალე განხილვას ველოდებით", — წერს მინისტრი ტვიტერზე.

ეუთოს დემოკრატიული ინსტიტუტებისა და ადამიანის უფლებების ოფისის (ოდირის) და ეუთოს, ევროპის საბჭოს და ნატოს საპარლამენტო ასამბლეათა საერთაშორისო დამკვირვებლების წინასწარი მიგნებებისა და დასკვნების შესახებ ერთობლივი მოხსენების თანახმად, არჩევნები კონკურენტულ გარემოში ჩატარდა და საერთო ჯამში, ფუნდამენტური თავისუფლებები დაცული იყო.