თბილისის საქალაქო სასამართლოს თავმჯდომარის მოვალეობის შემსრულებლად სერგო მეთოფიშვილი დაინიშნა. აღნიშნული გადაწყვეტილება გუშინ, 2 ნოემბრს იუსტიციის უმაღლესი საბჭოს სხდომაზე მიიღეს. ამის შესახებ ინფორმაცია On.ge-ს იუსტიციის უმაღლეს საბჭოში დაუდასტურეს.

მეთოფიშვილი თბილისის საქალაქო სასამართლოს სამოქალაქო საქმეთა კოლეგიის მოსამართლედ 2020 წლის 27 იანვარს დაინიშნა, ხოლო 2020 წლის 9 მარტდან თბილისის საქალაქო სასამართლოს სამოქალაქო საქმეთა კოლეგიის თავმჯდომარე იყო.

მეთოფიშვილი იმ ე.წ. კლანის წევრია, რომელზეც არასამთავრობო ორგანიზაციები და ოპოზიცია საუბრობს.

22 ოქტომბერს, ასევე, ე.წ კლანის წევრი, გიორგი მიქაუტაძემ იუსტიციის უმაღლესი საბჭოს მდივნის პოსტი დატოვა, ის პლენუმმა უზენაესი სასამართლოს სამოქალაქო საქმეთა პალატის თავმჯდომარედ აირჩია. 30 ოქტომბერს კი იუსტიციის უმაღლესი საბჭოს მდივნად ნიკოლოზ მარსაგიშვილი აირჩიეს.