საქართველოს საკალათბურთო ეროვნული ნაკრების კაპიტანი, ზაზა ფაჩულია NBA-ს ყველა ვარსკვლავის თამაშის ნომინანტებს შორის მეორე ადგილზეა და ხმების რაოდენობით მხოლოდ კევინ დურენტს ჩამორჩება.

დურენტს, 12 იანვრის მონაცემებით, 987 479 ხმა აქვს, ფაჩულიას კი – 823 376.

საკალათბურთო ასოციაცია რიგით 66-ე ყველა ვარსკვლავის მატჩის ღონისძიებას 19 თებერვალს, ნიუ ორლეანსში გამართავს.

ხმის მიცემა 25 დეკემბერს, საღამოს 20 საათიდან დაიწყო. 24 საათის განმავლობაში შესაძლებელია 1 ხმის მიცემა, სხვადასხვა საშუალებებით კი ჯამში 6 ხმის მოგროვება არის შესაძლებელი. ხმის მიცემა 16 იანვარს სრულდება.

NBA All Star თამაში ყოველწლიურად ტარდება, სადაც აღმოსავლეთ კონფერენციის საუკეთესო კალათბურთელებისგან შემდგარი გუნდი ეთამაშება დასავლეთ კონფერენციის საუკეთესო კალათბურთელების გუნდს.