ნაციონალური მოძრაობის მაჟორიტარობის კანდიდატი, ლევან ხაბეიშვილი აცხადებს, რომ მათი დამკვირვებლების ინფორმაციით, ქართული ოცნება გარკვეულ მანიპულაციებს აპირებს, კერძოდ, ელექტროენერგიის ჩაქრობას ან ყუთის მოპარვას.

"ამიტომ პრევენციის მიზნით მოვუწოდებ მათ, მეგობრებო, ყველაფერი დასრულებულია, ქართველმა ხალხმა თავისი ნება გამოხატა. ბიძინა ივანიშვილი და ქართული ოცნება, ფაქტობრივად, პოლიტიკურ სანაგვეზეა წასული, ამიტომ ახლა მშვიდად, წყნარად უნდა დავითვალოთ. ხელი არ წაუცდეს არავის", — აცხადებს ხაბეიშვილი.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: