საქართველოს ექსპრეზიდენტ მიხეილ სააკაშვილის განცხადებით, მისი მონაცემებით ოპოზიცია არჩევნებს დიდი უპირატესობით იგებს. ის, ასევე, საჯარო სამსახურის წარმომადგენლებს მიმართავს და კონსტიტუციისა და კანონის დაცვისკენ მოუწოდებს.

"ბოლოს და ბოლოს ივანიშვილის ხალხი მიხვდა, რომ არჩევნები წაგებული აქვთ და კობახიძის გამოსვლის შემდეგ პირდაპირ ძალადობაზე გადმოდიან, ზონდერები შეუსიეს გლდანს. მინდა ვუთხრა სამოქალაქო სამსახურის წარმომადგენლებს, თქვენ ბევრად უფრო უკეთესი პირობები გექნებათ მუშაობის, ბევრად მაღალი ხელფასები და არავინ არაფერს არ დაგიშავებთ. არაფერი უკანონო არ უნდა გააკეთოთ არცერთ შემთხვევაში, ხოლო რაც შეეხება ზონდერებსა და კრიმინალებს, მაგენის არავის ეშინია. ჩვენ ვართ ორგანიზებულები, ჩვენ ვართ დარაზმულები, ჩვენ ვართ მშვიდობიანები, მაგრამ ჩვენ გვიყვარს ჩვენი სამშობლო და დავიცავთ ჩვენს, ქართველი ხალხის არჩევანს. მათ წაგებული, წასხმული აქვთ არჩევნები", — აცხადებს საქართველოს მესამე პრეზიდენტი.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: