ერთიანი ნაციონალური მოძრაობა — ძალა ერთობაშიას პარტიული სიის პირველმა ნომერმა, ბუბა კიკაბიძემ განაცხადა, რომ თავისუფლებაზე გამართული აქციის დროს ავტომატურად იმღერა მეორე კუპლეტი რუსულად, რადგან უკრაინაში რუსულად მღერის.

"ტექნიკური შეცდომა მოხდა იმაში, რომ მე ამას ვმღერი ასე, როგორც თბილისში ვიმღერე, უკრაინაში. მე მაქვს გადასარევი რუსულენოვანი პროგრამა და უკრაინაში რომ მივდივარ, იქ ვმღერი რუსულ ენაზე. ეგ ერთი — ეს ჩემი ბრალია, რომ ტექნიკურად მე უცებ ავტომატურად ვიმღერე მეორე კუპლეტი რუსულად", —განაცხადა კიკაბიძემ.

მისივე თქმით, შესრულების დროს მსმენელს ტექსტისთვის უნდა მოესმინა, რადგან რუსულად შესრულებული სიმღერის შინაარსი ლამაზ ქვეყანაზე იყო.

"მაგრამ კაცი როდესაც სიმღერას უსმენს, უნდა ტექსტს დაუგდოს ყური [...] ამაზეა სიმღერა, რომ ასეთი ლამაზი ქვეყანა გვაქვს. უკვე ერთი 25-მა კაცმა დარეკა მოსკოვიდან. მითხრეს, რომ ძლივს არ გავიგეთო შენ რაზე გამოხვედი სცენაზეო", — განაცხადა კიკაბიძემ.

ენმ-ს წინასაარჩევნო ღონისძებაზე სიის პირველმა ნომერმა, ბუბა კიკაბიძემ თბილისი ქართულად და რუსულად იმღერა, რასაც საზოგაოდების კრიტიკა მოყვა. ძალა ერთობაშიას კანდიდატმა, ნანუკა ჟორჟოლიანმა განაცხადა, რომ, უბრალოდ, ფონოგრამა აერიათ და ბუბამ არ შეიმჩნია, თავად კიკაბიძემ კი ასე განმარტა:

"ბუბამ რატომ იმღერა ორი კუპლეტი რუსულად "თბილისოო". მე ვუთხარი, იმიტომ, რომ გაეგოთ, როგორი ლამაზი ქვეყანა ვართ ჩვენ".