სტრატეგია აღმაშენებლის ლიდერი, გიორგი ვაშაძე მმართველი პარტიის აღმასრულებელ მდინავს, ირაკლი კობახიძეს მოუწოდებს, რომ სახლში წავიდეს, რადგან ხალხს მისი მოსმენა "აღარ შეუძლია". ასე გამოეხმაურა ვაშაძე კობახიძის განცხადებას, რომ არჩევნების დღეს ოპოზიციას "დესტრუქციული" გეგმები აქვს.

"სად გაგიგიათ ოპოზიციის მიერ გაყალბებული არჩევნები? ხალხნო, რაზე ვლაპარაკობთ საერთოდ? ამოწურეს ამათმა თავისი თავი და ვეუბნები ამ კაცს, კობახიძე წადი სახლში რა, დაგვანებე თავი, აღარ შეგვიძლია შენი მოსმენა. ეს უნდა დავამთავროთ, ეს სისულელეების როშვა. პრესკონფერენცია იმისთვის ხომ არ უნდა ჩაატარო, რომ რაღაცა მოროშო? საღამოს სხედან და ფიქრობენ, რა მოვიგონო, რომ ხვალ ვთქვა", — განაცხადა ვაშაძემ.

დღეს ქართული ოცნების ერთ-ერთმა ლიდერმა, ირაკლი კობახიძემ ბრიფინგი გამართა და კიდევ ერთხელ ისაუბრა ოპოზიციის გეგმებზე. მისი განცხადებით, ამჯერად მათი "გეგმები" არჩევნების დღეს უკავშირდება და საარჩევნო გარემოსთვის "ჩრდილის მიყენებას" ისახავს მიზნად.