ევროპული საქართველოს მაჟორიტარობის კანდიდატი რუსთავსა და გარდაბანში, ირმა ნადირაშვილი ამბობს, რომ ივანიშვილის ხელისუფლება პოლიციასა და სახელმწიფო უსაფრთხოების სამსახურს იყენებს არა კრიმინალთან საბრძოლველად, არამედ თავისი პოლიტიკური ოპონენტების წინააღმდეგ.

ნადირაშვილმა აღნიშნა, რომ ბიძინა ივანიშვილს მხოლოდ რამდენიმე დღე დარჩა ხელისუფლებაში და ამის შემდეგ ის ვეღარ შეძლებს ქვეყნის დაზიანებასა და ჩამოქცევას.

"ფაქტი ერთია, რომ შინაგან საქმეთა სამინისტროც და სუს-იც, ეს არის პოლიტიკური იარაღი ქართული ოცნების ხელში. ისინი არ ასრულებენ თავის მთავარ მოვალეობას, ეს არის კრიმინალთან ბრძოლა, ისინი ჩართული არიან არჩევნებში და სუს-ით და პოლიციით თავის პოლიტიკურ მოწინააღმდეგეებს ებრძვიან.

ამას მოჰყვა ინსტიტუტების ჩამოშლა. ამას მოყვა კრიმინალის აფეთქება, რაც მოხდა ზუგდიდში, ეს იყო პირდაპირ წახალისება ძარცვის, ყაჩაღობის და ახალი ტალღა. რაც ზუგდიდის მოვლენებმა გამოიწვია, საერთოდაც არ არის გასაოცარი.

სულ რამდენიმე დღე დარჩა ბიძინა ივანიშვილს ხელისუფლებაში ყოფნის და ამის შემდეგ, ის ქვეყნის დაზიანებასა და ჩამოქცევას ვეღარ შეძლებს", — განაცხადა ნადირაშვილმა.