ვითიბი ბანკის ფინანსური მხარდაჭერით, სიღნაღის რაიონ სოფელ საქობოში აშენდა და მოეწყო სამაცივრე მეურნეობა, რომელშიც 1000 ტონამდე ხილისა და ბოსტნეულის შენახვაა შესაძლებელი. პროექტის განსახორციელებლად ვითიბი ბანკმა სესხის სახით 670 000 ლარი გასცა. კოოპერატივმა ქართული ხილი აღნიშნული სამაცივრე მეურნეობა შეღავათიანი აგრო კრედიტის პროგრამის ფარგლებში ააშენა.

"თანამედროვე ტექნოლოგიებით აღჭურვილი სამაცივრე მეურნეობა აუცილებელია იმისთვის, რომ ადგილობრივმა მწარმოებლებმა და რეალიზატორებმა პროდუქციის სათანადოდ შენახვა და შემდგომ მისი გაყიდვა შეძლონ.

ვითიბი ბანკისთვის აგრო მიმართულების დაფინანსება, უცვლელ პრიორიტეტს წარმოადგენს. აღნიშნული პროექტის განხორციელება ჩვენთვის ძალიან მნიშვნელოვანი იყო, ვინაიდან სამაცივრე მეურნეობები უმნიშვნელოვანესი ინფრასტრუქტურული ობიექტებია ქვეყნის აგრო სექტორის განვითარებისათვის", — განაცხადა ვითიბი ბანკის აგრობიზნესის მიმართულების ხელმძღვანელმა, შმაგი ბრეგაძემ.