დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

Reuters-ის ინფორმაციით, კორონავირუსით ინფიცირებულთა რიცხვის მატების გამო ევროკავშირი საქართველოს უსაფრთხო მოგზაურობის ქვეყნების სიიდან ამოიღებს. მედია, ასევე, წერს, რომ, საქართველოსთან ერთად, მწვანე ზონის სტატუსს კანადა და ტუნისიც დაკარგავს. განახლებული სია ოფიციალურად კვირის ბოლომდე დამტკიცდება. Reuters-ის ცნობით, გადაწყვეტილება ევროკავშირის 27 ქვეყნის ელჩმა მიიღო.

8 ოქტომბერს საქართველო რისკჯგუფის ქვეყნებში გერმანიამ შეიყვანა, 10 ოქტომბერს შვეიცარიამაც.

22 ოქტომბრის მონაცემებით, საქართველოში კორონავირუსის 1 595 ახალი შემთხვევა გამოვლინდა, 398 ადამიანი გამოჯანმრთელდა, გარდაიცვალა — 6.

სულ ქვეყანაში 22 803 შემთხვევაა გამოვლენილი, აქედან 9 401 გამოჯანმრთელდა, გარდაიცვალა — 178. კარანტინის რეჟიმშია 4 408 პირი, სტაციონარში მეთვალყურეობის ქვეშ — 3 155, კოვიდ სასტუმროში — 1 848.