ზუგდიდში საქართველოს ბანკში შეჭრილი პირის მიერ მძევლად აყვანილი ირაკლი კვარაცხელია ამბობს, რომ ის ნაციონალური მოძრაობის მხარდამჭერია, თუმცა ეს იმას არ ნიშნავს და ეს არ ნიშნავს, რომ ამის გამო ქუჩაში ვერ უნდა ამოვიდეს. აღნიშნული განცხადება მან მის წინააღმდეგ აგორებული კამპანიის პასუხად გააკეთა.

"ვნახე, რომ სრულიად კატსტროფული, ამორალური და არაადამიანური კამპანია წამოიწყო გარკვეულმა ჯგუფებმა. დიახ, მე ვარ ნაციონალური მოძრაობის მხარდამჭერი, დიახ, მე მიმაჩნია, რომ ნაციონალურ მოძრაობას უკეთესად შეუძლია მართოს ეს ქვეყანა და რა მოხდა მერე? ამის გამო ბანკში ვერ უნდა მივიდე და ქუჩაში ვერ უნდა გამოვიდე? საერთოდ გაუგონარი რაღაც ხდება", — ამბობს ირაკლი კვარაცხელია.

ზუგდიდში, საქართველოს ბანკში შეიარაღებული თავდამსხმელი შეიჭრა და მძევლები აიყვანა. ის ნახევარ მილიონ დოლარს, ასევე, ვერტმფრენს ან მანქანით, მძევლებთან ერთად ტერიტორიის უსაფრთხოდ დატოვების გარანტიას ითხოვდა. თავდამსხმელი მძევლის შუამავლობით ტელევიზიებს ვიდეოზარით დაუკავშირდა. მოთხოვნების შესასრულებლად თავდამსხმელმა პოლიციას 2 საათი მისცა. თავდამსხმელის მიერ მოთხოვნილი დრო 6 საათზე ამოიწურა. თავდამსხმელი 22:41-ზე სამ მძევალთან ერთად შენობიდან გამოვიდა და ტერიტორია დატოვა. 04:48 წუთზე შეიარაღებული თავდამსხმელი, რომელსაც ბანკიდან მძევლები ჰყავდა წაყვანილი, გაიქცა. შინაგან საქმეთა სამინისტროს ინფორმაციით, ყველა მძევალი თავისუფალია. თავდამსხმელს ამ დრომდე ეძებენ.

.