მთავარი არხის გენერალურმა დირექტორი, ნიკა გვარამია შინაგან საქმეთა სამინისტროს ბრიფინგზე გაჟღერებულ განცხადებასთან დაკავშირებით ამბობს, რომ შსს-ს ინსტრუქციას დაემორჩილებიან, თუმცა პასუხისმგებლობას საკუთარ თავზე ვერ აიღებენ. შსს-მ განაცხადა, რომ მედიამ ადგილიდან ლაივსიგნალი უნდა შეწყვიტოს.

"საჯაროდ მივმართავ შინაგან საქმეთა სამინისტროს, რომლის განცხადებიდან ვერავითარი შინაარსი გამოვიტანე: როგორ მოვიქცეთ, როცა ტერორისტი არეკინებს მძევალს და სიკვდილის მუქარით მოითხოვს მისგან, რომ ჩავრთოთ? არ უნდა ჩავრთოთ, რამაც შეიძლება მძევლის ან მძევლების სიკვდილი გამოიწვიოს? გაგვეცით საჯაროდ მკაფიო და ცალსახა პასუხი და აიღეთ საჯაროდ პასუხისმგებლობა შესაძლო უმძიმეს შედეგებზე. ჩვენ დავემორჩილებით შსს-ს ინსტრუქციას, ოღონდ ვერ ავიღებთ საკუთარ თავზე პასუხისმგებლობას", — წერს გვარამია ფეისბუქგვერდზე.

შინაგან საქმეთა მინისტრის მოადგილემ, კახაბერ საბანაძემ განაცხადა, რომ თუ მედია სიგნალს არ გათიშავს, წინააღმდეგ შემთხვევაში სახელმწიფო იტოვებს უფლებას გამოიყენოს კანონით არსებული ყველა ბერკეტი, რათა მოხდეს აღნიშნულის უზრუნველყოფა.

ქართული ოცნების აღმასრულებელი მდივანმა, ირაკლი კობახიძემ ბრიფინგზე განაცხადა, რომ ზუგდიდში მიმდინარე მოვლენების ფონზე მედიასაშუალებების კონკრეტული ქმედებები სისხლის სამართლის დანაშაულის ნიშნებს შეიცავდა.

გაიგეთ მეტი: