ევროპული საქართველოს ერთ-ერთი ლიდერის, სერგი კაპანაძის განცხადებით, პარტია ემზადება იმისთვის, რომ 1 ნოემბრიდან, უკვე ხელისუფლებაში მოსვლის შემდეგ, დაიწყებს სწრაფი ნაბიჯების გადადგმას და კოვიდ-19 მართვის სტრატეგიის განხორციელებას, რომელიც 4 პუნქტისგან შედგება:

  • "სწრაფი რეაგირების შედეგი იქნება მაქსიმალური სიმშვიდე მოსახლეობის, რომ
    პანიკა არ იყოს, რაც დღეს ამ ხელისუფლების პირობებში ხდება;
  • მეორე, ეს იქნება ეფექტური ზრუნვა, ანუ კონკრეტული ნაბიჯების გადადგმა,
    რათა ჰოსპიტალური სექტორი იყოს მზად პაციენტების მზარდი
    რაოდენობისთვის;
  • მესამე, ეს არის პრევენცია, ანუ კონკრეტული ნაბიჯების გადადგმა, რომ
    მაქსიმალურად დავიზღვიოთ თავის ვირუსის შეყრისგან;
  • მეოთხე, ეს არის კონკრეტული ეკონომიკური გეგმა, როგორ იქნას დაძლეული ის
    გამოწვევები, რაც გამოიწვია კოვიდმა და ხელისუფლების უმოქმედობამ", — განაცხადა სერგი კაპანაძემ.

მისი თქმით, ევროპული საქართველოს სტრატეგია იქნება ამ 4 პუნქტზე დაფუძნებული და ყველაფერს იზამენ, რათა ეს მალე განხორციელდეს, განსაკუთრებით იმ პირობებში, როცა ვიცით, რომ ვირუსის პიკი უწევს დეკემბერში.