მთავრობის ადმინისტრაციის ხელმძღვანელი, ნათია მეზვრიშვილი მოსახლეობას წესების დაცვისკენ მოუწოდებს და სთხოვს, რეკომენდაციები გაითვალისწინონ.

"ეს პირველ რიგში კეთდება ჩვენი მოქალაქეების ჯანმრთელობის დასაცავად. არ ვაპირებთ მთელი ქვეყნის მასშტაბით მკაცრი შეზღუდვების დაწესებას იმიტომ, რომ ამას, უბრალოდ, ჩვენი ეკონომიკა ვეღარ გაუძლებს. გთხოვთ კიდევ ერთხელ, მოვითხოვთ, მოგიწოდებთ, გემუდარებით, რაც გინდათ, ის დავარქვათ ამას, წესები დავიცვათ მაქსიმალურად. ან ქვეყანა სრულად უნდა ჩავკეტოთ, ან დავიცვათ წესები", — განაცხადა ნათია მეზვრიშვილმა.

მეზვრიშვილის მოწოდებით, არა მხოლოდ იმ ადგილებში თავშეყრაზე უნდა ვთქვათ უარი, სადაც აკრძალულია, არამედ, ზოგადად, ყველა არასაჭირო ღონისძიებაზე.