საქართველოს საკალათბურთო ეროვნული ნაკრების კაპიტანი ზაზა ფაჩულია NBA-ს ყველა ვარსკვლავის თამაშის ნომინანტებს შორის მეორე ადგილზეა და ხმების რაოდენობით მხოლოდ კევინ დურენტს ჩამორჩება.

დასავლთ კონფერენციის პირველი ათეული ასე გამოიყურება:

  1. კევინ დურენტი (GS) 541,209 ხმა;
  2. ზაზა ფაჩულია (GS) 439,675 ხმა;
  3. კაუი ლეონარდი (SA) 341,240 ხმა;
  4. ენტონი დევისი (NO) 318,144 ხმა;
  5. დრეიმონდ გრინი (GS) 236,315 ხმა;
  6. დემარკუს კაზინსი (SAC) 202,317 ხმა;
  7. კარლ-ენტონი თაუნსი (MIN) 125,278 ხმა;
  8. ლამარკუს ოლრიდჯი (SA) 101,724 ხმა;
  9. ბლეიკ გრიფინი (LAC) 100,524 ხმა;
  10. მარკ გასოლი (MEM) 97,370 ხმა.

საკალათბურთო ასოციაცია რიგით 66-ე ყველა ვარსკვლავის მატჩის ღონისძიებას 19 თებერვალს, ნიუ ორლეანსში გაიმართავს.

ხმის მიცემა 25 დეკემბერს, საღამოს 20 საათიდან დაიწყო. 24 საათის განმავლობაში შესაძლებელია 1 ხმის მიცემა, სხვადასხვა საშუალებებით კი ჯამში 6 ხმის მოგროვება არის შესაძლებელი.

NBA All Star თამაში ყოველწლიურად ტარდება, სადაც აღმოსავლეთ კონფერენციის საუკეთესო კალათბურთელებისგან შემდგარი გუნდი ეთამაშება დასავლეთ კონფერენციის საუკეთესო კალათბურთელების გუნდს.