ევროპული საქართველოს მაჟორიტარობის კანდიდატი ხელვაჩაურის, ქედის, შუახევისა და ხულოს ოლქში, ტარიელ ნაკაიძე, ხელვაჩაურის მუნიციპალიტეტის სოფლებში ადგილობრივებს შეხვდა, მათი პრობლემები მოისმინა და მოსახლეობას გარდამტეხი ცვლილებების გეგმა გააცნო.

ნაკაიძის თქმით, დღეს ხალხში არის ცვლილებების მოლოდინი და მათ კარგად იციან, რომ ქვეყნის კრიზისიდან გამოსვლა კოალიციურ ხელისუფლებას შეუძლია. მაჟორიტარობის კანდიდატი აღნიშნავს, რომ ევროპული საქართველოს გეგმა მოუტანს როგორც ხელვაჩაურს, ისე მთლიანად მთიან აჭარას, გარდამტეხ ცვლილებებს.

"რამდენიმე დღეა ხელვაჩაურის მუნილციპალიტეტის სოფლებში დავდივართ კარდაკარის პრინციპით მოსახლეობასთან შეხვედრებზე. მიუხედავად იმისა, ხელისუფლება დასაშინებლად იყენებს არაერთ მეთოდს, ხალში მაინც ღიად ჩანს ცვლილებების მოლოდინი. ამიტომ, დარწმუნებული ვარ ამ მოლოდინს ვერანაირი ზეწოლა, ადმინისტრსციული რესურსი, თუ უაზროდ ხელისუფლების კანდიდატის ფულის ხარჯვა ვერ შეცვლის. მთავარია ყველასთან მივიდეთ, გავაცნოთ ჩვენი პროგრამა, იმედი მივცეთ. ხალხი კარგად ხედავს, რომ გამოსავალი მხოლოდ კოალიციური ხელისუფლების ჩამოყალიბებაშია. ბელადებზე დაფუძნებული ხელისუფლების გამოცდილება აქვთ და ვფიქრობ, აღარ დაუშვებენ ერთი კაცის მართვას", — განაცხადა ტარიელ ნაკაიაძემ.